
香巴噶舉教言集NG14ནི་གུའི་སྔོན་འགྲོ་ཉུང་ངུ་།
1-179
༄༅། །ནི་གུའི་སྔོན་འགྲོ་ཉུང་ངུ་།
༄༅། །ནི་གུའི་སྔོན་འགྲོ་ཉུང་ངུ་ངག་དབང་ཆོས་ཀྱི་གྲགས་པའི་གསུང་ཡིན།། མདུན་གྱི་ནམ་མཁར་སེང་གེས་བཏེགས་པའི་རིན་པོ་ཆེའི་ཁྲིའི་སྟེང་དུ། སྣ་ཚོགས་པདྨ་ཟླ་བ་ཉི་མའི་གདན་ལ་རྩ་བའི་
བླ་མ་རྡོ་རྗེ་འཆང་གི་རྣམ་པ་བྱིན་རླབས་ཀྱི་གཟི་འོད་འབར་བ་ལ་ནི་གུ་བརྒྱུད་པའི་བླ་མ་རྣམས་དང་། སངས་རྒྱས་བྱང་སེམས་ཀྱིས་བསྐོར་བ་མངོན་སུམ་ལྟ་བུར་བཞུགས་པར་བསམ་ནས། བདག་
དང་སེམས་ཅན་ཐམས་ཅད་སྒོ་གསུམ་གུས་པའི་སྒོ་ནས་དཀོན་མཆོག་གསུམ་ལ་སྐྱབས་སུ་འགྲོ་བར་བསམ་ལ། མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་རིན་པོ་ཆེ་ལ་སྐྱབས་
སུ་མཆིའོ། །ཞེས་པ་འདི་ཉེར་གཅིག་གམ་བརྒྱ་རྩ་ལ་སོགས་པ་ཇི་ལྟར་རིགས་པ་དང་། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་ནི་གུ་ཆོས་དྲུག་
ཉམས་སུ་ལེན་པར་བགྱིའོ། །ཞེས་པ་ལན་གསུམ། ཚད་མེད་བཞི་བསྒོམ། བླ་མ་སངས་རྒྱས་རིན་པོ་ཆེ་ལ་གསོལ་བ་འདེབས་སོ། །ཞེས་པ་ཚར་ཅི་མང་དང་། སྤྲོ་ན་སངས་རྒྱས་རྡོ་རྗེ་འཆང་ཆེན་ལ་
གསོལ་བ་འདེབས་སོ་ཞེས་པ་ནས། དྲིན་ཅན་རྩ་བའི་བླ་མ་ལ་གསོལ་བ་འདེབས་སོ། །ཞེས་པའི་བར་དཀྱུས་བཞིན་དང་། རེ་འགའ་མདངས་དང་བཅས་ཏེ་བརྒྱུད་འདེབས་བྱ། བླ་མ་རིན་པོ་ཆེ་བདག་གི་ནད་གདོན་ཞི་བར་མཛད་དུ་གསོལ། 
1-180
སྡིག་སྒྲིབ་འདག་པར་མཛད་དུ་གསོལ། ཏིང་ངེ་འཛིན་ཁྱད་པར་ཅན་རྒྱུད་ལ་སྐྱེ་བར་མཛད་དུ་གསོལ། ཞེས་པ་འདི་གཅིག་གམ་གསུམ་གང་རུང་ངེས་པར་བྱ། ཡང་བླ་མ་རིན་པོ་ཆེ་བདག་ལ་ཏིང་
ངེ་འཛིན་གྱིས་དབང་བསྐུར་བར་བསྩལ་དུ་གསོལ། ཞེས་གསོལ་བ་བཏབ་པས། བླ་མའི་དཔྲལ་བའི་ཨོཾ་ལས་འོད་ཟེར་དཀར་པོ་འཕྲོས། བདག་གི་དཔྲལ་བར་ཐིམ། ལུས་ཀྱི་སྡིག་སྒྲིབ་དག བུམ་དབང་ཐོབ། སྐུའི་བྱིན་
རླབས་ཞུགས། མགྲིན་པའི་ཨཱཿདང་། ཐུགས་ཀའི་ཧཱུྃ་ལས། གསང་དབང་དང་ཤེར་དབང་སྔར་བཞིན། བླ་མ་བརྒྱུད་པ་དང་བཅས་པ་སངས་རྒྱས་བྱང་སེམས་རྣམས་འོད་དུ་ཞུ་ནས། རང་གི་ལུས་ངག་ཡིད་གསུམ་ལ་ཐིམ་
པས་སྒོ་གསུམ་གྱི་སྡིག་སྒྲིབ་དག དབང་བཞི་པ་ཐོབ། སྐུ་བཞིའི་རྟོགས་པ་མངོན་དུ་བྱས་པ་ཡིན་སྙམ་དུ་བསམ་མོ།། །།བཀྲ་ཤིས།། །།



